Şamata-Şakir Selim
Bezdim şamatalı boyle yaşavdan,
Soqaqta şamata ,zalda şamata...
Dersiñ bu dunyamız devrilgen-avgan,-
Tınçlıq yoq,er yanda,er kun şamata.
Dört adam toplansaq subet qurulmay,
Agızlar kopure,zeerler qata.
Darqalıp olmaymız şına urulmay...
Aqıl toqallaşa,yurekler qata.
Yañı bir şamata dogmaqta kuçlü,
Ah, garip milletni eppey sagalar.
''Milletni olumden qurtarmaq içün''
Başımızga kelmekte yañı agalar.
Şamata içün biz yaratılganmız,
Kuçük meşrebede qopa furtuna.
Ozara davaga ogratılganmız,-
Şamata,şamata. Qulaqlar tına!
İyün,1998 s.
Hiç yorum yok:
Yorum Gönder