4 Şubat 2012 Cumartesi
Vatan Ozlemi-Şevqiy Bektore
Vatan Ozlemi
Canlar sınıq, başlar toben, olüdayın sarğayıp,
Mañray- mañray curemiz bir qozudayın mañrayıp.
Yuz otuz cıl içinde tap negizinden cığılıp,
Çilday tozdıq, darqadıq, cat-cav qaldı sığayıp.
Qaysı taşnı koterip, qarağanda astına,
Babayımnıñ bir parça süyeginden bar anda.
Toprağıñnıñ, taşıñnıñ qurbanıman, Vatanım,
Oğurıñda tökülsin bir avuççıq al qanım!
Kuldirmege yüzüñni süye-süye can berip
Odemesem aqqıñnı, men ne içün tuvğanım?
Anayıma ant içtim yeşil curtqa barmağa,
Can tenimden çıqqance cavdan açuv almağa.
İstanbul, 1915 s.
Şevqiy BEKTORE
Etiketler:
Ozlem,
Şevkiy Bektöre,
şiir,
vatan,
Yıldız Jurnal
Demirciniñ Oçı-Şevqiy Bektore
Demirciniñ Oçı
Buyük çelik çöküçimniñ altında
Demir ursım iñim-iñim iñlerken,
Aqqıñ nerde?-degen bir ses eşittim,
Çöküçimden çıqqan sesi diñlerken.
Elbet, aqqım nerde edi? Kimde edi?
Mañlay terim kimler içüñ aqmıştı?
Alev saçan bir ocağıñ ateşi
Niçün beni çıyır-çıyır yaqmıştı?
Elbet, niçün tek bir tilim ekmege
Bağlanmıştı asırlarca tilegim?
Saadetler azırlarken illere,
Urs başında şu sızlayan bilegim.
Faqat, hayır, bundan soñra bu ursım,
Bu çöküçim, qızıl yanan bu ocaq,
Kendi aqqım, saadetim oğrunda
Duşmanımnı ateş-kinle boğacaq.
Çeliklerden er uruşta qulleler,
Qığılçımlar fırlanırken kuçümle,
Niçün benim aqqımnı ğayıp iden
Duşmanlarım titremesin ucümle?
Elbet, artıq bu iñleyen, bu yalan,
Bu gurleyen ocaq benim kinimdir.
Qarşısında butün cian titreyen
Şu çöküçim-qırılmayan dinimdir!
(1919 s.)
Şevqiy BEKTORE
Etiketler:
Demirciniñ Oçı,
Din,
Şevkiy Bektöre,
şiir,
Yıldız,
Yıldız Jurnal
Kaydol:
Kayıtlar (Atom)