Qadınlarğa Bağışlav-Seyran Suleyman
Qadın eli aylandıra seyareni,
Qaysı erkek sevmez ana ve yareni?
Kerek degil qadın içün qurban çalmaq,
Yeter efkãr basqanda goñlüni almaq.
Nazik endam, qara qaşlar, ela kozler,
Elden qaçırmayıq bu baylıqnı bizler.
Gaflet qalsaq duşman bizni qarğar, yuzler,
Alıp qaçar tatar qızın, qalmaz izler.
Yılda bir kere ola mevsim-i baar,
Baarni baar etken-qadın ve qızlar.
Kimge dalfes yaraşa, kimge fırlanta,
Kimi paynozü yure, kimde-qoranta.
Eskiden qalğan adet-ellerin opmek,
Eki şey muqaddestir-qadın ve otmek.
Alemdeki eyilik-qadınnıñ işi,
Qadın-qızlar olmasa, nişler er kişi?!
Taşıy yurek astında balanı qadın,
Ana qartayğan soñra kim çeker qaydın?
Barıp da, qadınlar, biz muğaytsaq eger,
Bizni bağışlañız, bağışlañız sizler.
Aylansın seyare, aylansın toqtamay,
Dünyalar turğance-tursın qadın-apay!
Mart, 2004 s.
Hiç yorum yok:
Yorum Gönder