15 Ağustos 2009 Cumartesi

Dolab-Bora Gazi Geray Han Gazaiy

Dolab-Bora Gazi Geray Han Gazaiy

Mesnevi

Yol ustünde yoluqdım bir dolaba,
Didim, niçün sürersiñ yuz bu aba.

DElinmiş bağrıñ u qaddiñ bukülmiş,
Gozüñ yaşı ayağına dökülmiş.

Nedir aşıqmısıñ, varmı firaqıñ?
Bu qurbette kimedür iştiyaqıñ?

Ciger boyle seniñ leyl-ü neharuñ,
Ki yoqmıdır eliñde ihtiyaruñ.

Nedür bais hele boyle fiğana
Bukülmiş qametiñ, dönmüş kemana?

Hem ağlarsıñ, hem iñlersiñ dem-a-dem,
Bu gizli derdiñi bilmez hiç adem.

Dolab işitti benden bu hitabı,
Zeban-ı halile virdi cevabı.

Habersiz adem-oğlu maceradan,
Qazadan bil dime çün u çiradan.

Yuce dağlar idi evvel mekanım,
Benim de var idi tab u tuvanım.

Aqardı her zamanlar deşt sarı,
Revan olub ayağım çeşmesarı.

Tutub her yanımı qolum-budağım,
Çemen uzre turub herdem ayağım.

Başımda qumru vu tuğraç oterdi,
Zeminimde nice guller biterdi.

Libasım geh yeşil, geh al olurdı,
Haza vaqtı zerim pamal olurdı.

Benefşe baş ururdı sola-sağa,
Nihal-i nevresim turub ayağa.

Safa ile tutub camını lale,
Saçardı cür'asını hake jale.

Olub nergiz gozü her gice bi-hab,
Olurdı nuql-i meclis anda unnab.

Esüb bad-i ecel nageh yıqıldım,
Kesildi bih-iomrüm anda bildim.

Büke gelmez idi hergiz kemanım,
Yıqıldım qalmadı tab u tüvanım.

Heman dem kesdiler qolum-budağım,
Sürmekçün biri deldi ayağım.

Taqub boynuma anda rismanı,
Ki bildim qalmadı işret nişanı.

Qani ol mürğzarım, lalezarım,
Diriğa gitdi elden ihtiyarım.

Meni qıldılar anda hake yeksan,
Ki efğan eyler idim anda nalan.

Nice yıl geçdi vu cismim qurudı,
Yeşil tonım qarardı vu çürüdi.

Zekeryaya tek meni anda biçerler,
İşit imdi bana ne iş giçerler

Qılub tahta meni hem mıh ururlar,
Tecemmü eyleyüb suye sürürler.

Dönermen ol zamandır bu zamandır,
Bilürsenkim felek işi yamandır.

Yidi Eyüb tek bağrımnı kirman,
Gazaya çare ne, söyle ne derman?

Sözümden ibret alğıl sen de, ey, han,
Felek milkinde varsız cümle mihman.

Gurur itme saqın sen de cihana,
Gülerdim ben de nice natuvana.

Felek bir yedi başlı ecdehadur,
Ki naqd-i omr-i adem haq gidadur.

Nice mürsellere zehrin içürdi,
Nice yüzbiñ veli andan geçürdi.

Nice şehler gelür anda olur mat,
Murad uzre sürülmez bunda hiç at.

Ne hoş dimiş bu ebyatı bir ustad,
Ki her dem de anuñ ruhı ola şad.

Dilaverler cihana toymadılar,
Zamanıñ hamlesine doymadılar.

Ki aldanma arus-ı dehre zinhar,
Nice arslan helak eyler o murdar.

Ne hal olsa aña dil virme bari,
Vefalu dib bu qahber rüzigarı.

Geçürme gaflet ile rüzigarıñ,
Ki var iken eliñde ihtiyaruñ.

Dilersün kim irişesin kemale,
Tevekkül qıl her işde Zu'l-Celale.

İki alemde isterseñ ferağat,
Aqıt gozüñ yaşın eyle taat.

Sözüñ hatm it, yiter didiñ, Gazaiy,
Ki taat qıl dile Haqtan rizayı.

Riza vir her kim gelse qazadan,
Hudadan bil Hudadan bil, Hudadan.

Hiç yorum yok:

Yorum Gönder