Amet ve Kiramet-Nuzet Umer
Soqaq boyu kele Amet,
Yolda yata kök kiramet.
Şaşa Amet,
Toqtay Amet,
''Qaydan tüşti bu kiramet!
Boyle şeyler ola siyrek,
O tılsımlı olsa kerek!''
Soqaq boyu kete Amet,
Çantasında kök kiramet.
Hucur bır tüş
Köre Amet,
Ete bitası vasiyet:
''Aytqan sözüm saña qanun-
Biñ parçağa böl tapqanıñ.
Biñ balağa berir qısmet
Yolda tapılğan kiramet''
''Ebet !-sıçrap turdı Amet,-
Kimgedir bağışla qısmet.
Em tap, em kes,
Tarqat yolğa-
Amma da oğradım alğa...
Meni körip külsin ballar.
Parmaqnen körsetsin olar-
Ana kele-deli Amet,
Yolda tapqan kök kiramet!
Biñ bir kere kelse qısmet,
Özüm çekerim qasevet''.
Yastığın köterdi Amet,
Baqsa-yoq olğan kiramet...
Hiç yorum yok:
Yorum Gönder