Acayip Adet-Sanie Murat qızı Nurmambetova
Qurban bayram kelmesini
Quvançnen bekler musulman zat.
Tañda bayram namazını
Aşıqır yapmağa yaş ve qart.
Temiz vucut ve qalipnen
Adaq etken-qurban çala.
Bala-çağa coşqunlıqnen
Qartlarnıñ elini ala.
Türlü yemek pişirilip,
Sofralar donatıla.
Azbar, evler aqlanılıp,
Haneler ilvanlana.
Ne de acayip adet,
Boyle bayramlar etmek.
Yoqsullarğa, qartlarğa
Er daim yardım etmek.
Hiç yorum yok:
Yorum Gönder