Mına Selam Aleykum
Mına, selam aleykum,
Men de keldim, alay.
Atımıñ başın, acımay,
Cibere berdim, alay.
Bağlama:
Alaymeken,
Bulaymeken,
Şulaymeken,alay.
Menim yarem meni aytıp
Cılaymeken, alay.
Aleykum selam, hoş keldiñ,
Ah, bir danem, alay.
Atıña poşu baylayım,
Qıdırlez lalem, alay.
(Bağlama.)
Yeşil ada,tınıq suv,
Elalmı içmek,alay.
Seniñ baylı başıñnı
Muradım-çezmek, alay.
(Bağlama.)
Ozen suvı pek tatlı,
Bir içmege,alay.
İsingen soñ qolaymı,
Vazgeçmege, alay.
(Bağlama)
Kel ekimiz yırlayıq,
Gurdelensin,alay.
Duşman kozü kör olsun,
Perdelensin, alay
(Bağlama)
Hiç yorum yok:
Yorum Gönder