Duam-Ayşe Kokiy(1956)
Ay töpede pek aydın, sema qaranlıq...
Tañrım, senden tileyim sağlıq-amanlıq.
Asıl et sen quluñda qaviy irade,
Suvlar tolıp-taşıp aqsın teren derede.
Sıcaqqanlı yureklerge tiymesin telãş,
Qaar-qasevetler iç de ağırtmasın baş.
Tañrım, saña bar tilegim-yekãne, aydın-
Milletime acın artıq, çek onıñ qaydın.
Cumle alem, insanlıqqa ber ar, feraset,
Ey, Yaradan, tuvğan halqnı sen vatanlı et!
Hiç yorum yok:
Yorum Gönder