Gitmek İsterim-Şevkiy Bektöre

Gitmek İsterim-Şevkiy Bektöre

Gittim, gidiyorum, gitmek isterim,
Er Türk ocağında tütmek isterim,
Ceddimin geçtigi keniş çöllerde,
Onuñ devesini gütmek isterim.

Babamdan diñledim, dedem kim edi?
Kimlerle düşmüş, kimlerle qalqmıştı?
Geçmişin qaranlıq ulkelerinde
Angi ocaqlarda ateş yaqmıştı?

Qurduğı ocaqlar, yaptığı yurtlar,
Angi bir bayğuşlara mesken olmuştır?
O şanı yigitler, gurbuz erlerden
O yurtlarda şimdi kimler qalmıştır?

O tüten ocaqlar, o yeşil çöller,
Niçün tütmez olmuş, niçün solmuştır?
Yigitsiz boş qalan guzel yurtlara
Nereden gelmiş de bayguş dolmuştır?

O adsız-esapsız davar sürüsi
Angi canavara qurban olmuştır?
Dedemin kunaylan atlar qoşturan
Meydanlar kimlere meydan olmuştır?..

Gittim, gidiyorum, baqmaq isterim,
Sönen ocaqları yaqmaq isterim.
Geçtiğim yerlerde er yigit içün
Şiirimden bir çelenk yapmaq isterim.

Гитмек Истерим-Шевкий Бектёре

Гиттим, гидиёрум, гитмек истерим,
Эр Тюрк оджагъында тютмек истерим,
Джеддимин гечтиги кениш чёллерде,
Онунъ девесини гутьмек истерим.

Бабамдан динъледимч дедем ким эди?
Кимлерле дюшмюш, кимлерле къалкъмышты?
Гечмишин къаранлыкъ улкелеринде
Анги оджакъларда атеш якъмышты?

Къурдугъы оджакълар, яптыгъы юртлар,
Анги бир байгъушлара мескен олмуштыр?
О шаны йигитлер, гурбуз эрлерден
О юртларда шимди кимлер къалмыштыр?

О тютен оджакълар, о ешиль чёллер,
Ничюн тютмез олмуш, ничюн солмуштыр?
Йигитсиз бош къалан гузель юртлара
Нереден гельмиш де байгуш долмуштыр?

О адсыз-эсапсыз давар сюрюси
Анги джанавара къурбан олмуштыр?
Дедемин кунайлан атлар къоштуран
Мейданлар кимлере мейдан олмуштыр?..

Гиттим, гидиёрум, бакъмакъ истерим,
Сёнен оджакълары якъмакъ истерим.
Гечтигъим ерлерде эр йигит ичюн
Шииримден бир челенк япмакъ истерим.