Birlik
''Tilde,fikirde,işte birlik''
Qaranlıqñı yarıp-yırtıp Kuneş doga,
Ziyasını saça-sepe ereklerge,
İnsanlarnı ruhlandırıp, cete aldga,
İlham bere, işanç bere yureklerge.
Rusiye-dım qaranlıqta. Tatar aglay,
Zulumlıqtan qurtulmaqçün çare aray,
Caillik ve naçar ayat ep topallay,
Dillerni ve fikirlerni pek sopalay.
Biñ sekiz yuz elli birde Avcı koyde
Doggan yigit qaranlıqqa baş egmedi,
Kuneş kibi yarım ada uzerinde
Halqqa ziya bermek içün koterildi.
Tecribesin em bilgisin, icadını
Turkiy tiller dunyasına bagışladı,
Onıñ meşur yañı ''usul ceddidi''ni
Musulmanlar urmet ile algışladı.
Aygidi sen yarıq dunya... Qara kuçler
Qara qarday başımızga ep yagdılar,
Kuncü, zıpqın, qara qanlı asıl piçler
Şanımızga qara yazılar yazdılar.
Cellatlar ve fitneciler yurtumıznı,
Aqqımıznı apansızdan bastırdılar,
Omrümizni qara etip, halqımıznı
Ebediyen qaranlıqqa attırdılar.
Qara yollar, qara yıllar,qara omür...
Bu tüş degil-bu facia em aqiqat.
Keçmişimiz, bugunimiz, bil, boyledir,-
Yarınımız ne olacaq? Oylanıp baq!
Ulu ecdat, surgunlikte halqnen ediñ,
Ruhuñ milliy areketke quvet berdi.
Mucadele-kureşlerge davet ettiñ,
''Torunlarım! Birlik, birlik,birlik! ''-dediñ.
Ulu Ustaz-halqmıznıñ şan şureti,
Tarihçı ve ediplerniñ baş ocası,
Bugun kene bizim milliy arekette
Yaş nesilnen og sırada olacaqsıñ!
Torunlarnıñ arasında, piketlerde,
Umüt tolu qasevetli evçiklerde,
Şamatalı, qaynaq,havflı mitinglerde
''Birlik, birlik birlik!''-deysiñ nesillerge.
Mart, 1991 s.
Eskender Fazıl
Hiç yorum yok:
Yorum Gönder