Ah! Ey, yeşil ada, ey, ana yurdu,
Parçalarken seni şimalniñ qurdu.
Nerde? Yoqmı bugun bir altın ordu,
İmdatqa qoşsın, isterim qana?
Beñzetirim seni saçılan ''ah''a,
Quturan dalğalı Bahri Siyaha,
Oksüzsiñ, esirsiñ de şimalei
İñlersiñ, faqat diñleyen qana?
Ey, Vatan, ey, Ana! Ulusıñ, ulu,
Er koşeñ qaraman, şeitle tolu.
Bilirim sendedir cennetiñ yolu,
Gidip de, oğruña can veren qana?
1917 s. Noyabr.
Bahri Siyah:Qara deñiz
Menqibe:epos, legenda
