Oktyabr Ayı-Irğat Qadır

Oktyabr Ayı-Irğat Qadır

Goñülime duygu bergen, şeñlik bergen
Bir ay bar ki,o ay da Oktyabr ayı!
Goñlümdeki quvançnı kozüme serpken,
Kene yetip keldi o Oktyabr ayı.
Bu ay aytılğan uç aylar degil,
Oraza, ya qurban bayram da degil,
Berilgen temçitler, salatlar degil,
Bu aydır faqırnıñ Oktyabr ayı.

Bu aydır inqilab qapısın açqan,
Pomeşik boynunıñ bavını yaqqan,
Mırzasın temelden sipirip atqan,
Şeñ bayram çıqarğan Oktyabr ayı.

Mektepler açıla, balalar yığıla,
Koylerde klublar pıqma-rıq tola.
Er keste bir quvanç, bir sevinç ola,
Deyler ki, işte bu Oktyabr ayı!

1929.

Qart Tatarnıñ Türküsi-Ablakim Cemilev

Qart Tatarnıñ Türküsi-Ablakim Cemilev

Adil qardaşıma

Vatanıma borcumnı
Odemege aşıqıp,
Yigit sayıp ozümni
Kureş yoluna çıqtım.

Umüt meni aldattı,
Qara yazım ağlattı,-
Bir qaç kere qapatıp,
Kopeklerge talattı.

Çoqmar, tayaq ketirip,
Zalım bizni ezdirdi.
Aşsız-suvsız kezdirip,
Dar dünyadan bezdirdi.

Bir hasiske inanıp,
Bir tuzaqqa tüştik biz.
Qarlı ateşke yanıp
Soñra pişkinleştik biz.

Kuçümizge işanıp,
Davalaşıp yaşadıq.
Kureşte na qazanıp,
Yañı omür başladıq.

Keçmiş, meni arayıp
Yaqın kelme yanıma.
Odur-budur sorayıp
Bozma menim qanımnı.

Aqmescit ş.
Mart, 2000 s.

Şabatta yañğıay aldına-Qırım Qaraimca

Bolğay qabulluq alnından Ad..'nıñ rahmetleme bizni, da ayama ola qırançnı da ol çaypavçunı, da ol qılıçnı da ol açlıqnı, da yesirlikni da talanmaqnı üstümizden da evleri üstünden bar ulusımıznıñ, da aytayıq: amen.
Bolğay qabulluq alnından Ad..'nıñ qayyam etme bizge bar usluların ulusımıznıñ,: alarnı da ulanların alarnıñ da üvrünivçilerin bar oturuş orunlarında, da aytayıq: amen.
Bolğay qabulluq alnından Ad..'nıñ, ki eşitkeymiz da haberlengeymiz yahşı haberler, yarlığaşlı haberler da uvunçlı haberler dört taraflarından ol yerniñ, da aytayıq:amen.

Yahşı belgi bilen bolğay bizge yañğı ay (artarıq aynıñ, qural aynıñ, başqusqan aynıñ, yaz aynıñ, ulağ aynıñ, çürük aynıñ, ayruqsı aynıñ, küz aynıñ, soğum aynıñ, qış aynıñ, qaraqış aynıñ, süyünç aynıñ, artıqsı aynıñ), qaysı bolır (burunğı, ekinçi, üçünci, dörtünci, beşinci, altıncı, yedinci) kününde aftanıñ.
Yañğırtqay anı Ad.. üstümizge da bar ulusımız üstüne bar orunlarda, qayda ki alar tabuladırlar, yahşılıqqa da alğışqa, biyençke da quvançqa, yarlığaşqa da uvunçqa, beslenmekke da yem tapmaqqa, yahşı eşitivlerge da yahşı haberlerge, da yağmurlarğa vahtlarında da tügel oñaltmaqqa, da aytayıq: amen.
Teilim 89:
Mahtovlıdır Ad.. dunyağa degin! Qayyam da köni.

Yaşar Memedemin-.....!

Yaşar Memedemin-.....!

Sizge menden bir ögit,
Meni yaman körmeñiz.
Mende sizdiy bir insan,
Bilmiy şubelenmeñiz...

Hakkıñız bar bir yaktan,
Tanımak meni biraz zor.
Hayat üyretti bonı,
Köp candım da, ruhım kor...

Bildim ürmet bermege,
Lakin mende bekledim.
Ayakka baskanlarnı,
Acımadan şinedim...

Başlık maga kerekmiy,
Bo dert balaban Sizde.
Şimdi işim körinmiy,
Elbet körinir Küzde...

Men Tatar man, saglam Tatar,
Boga menfaat istelmez.
Halkımıznı ezdi tarih,
Boga nefret kesilmez...

Bizge birleşüv kerek,
Kırım'nı KIRIM yasayık.
Eski kılık, eski güç,
Cihanga Bayrak asayık...

Altın Tarak, Mavı Tüs,
Celpıresin köklerde,
Neşeler men tolsın cürek,
Yaşayık biz bir yerde!.....